nafeer-e-SubH bajaa,o keh shab tamaam hoovii
koyee Ghazal hee sunaa,o keh shab tamaam huyee!

taveel shab kee masaafat ke saatiYooN se kaho
safar se lauT bhi aa,o keh shab tamaam hoovii

jo kho gaye heN rah-e-zindagii ke mele meN
unheN bhi DhooNDh ke laa,o keh shab tamaam hoovii

najaane kab se GhamooN kaa jamood hai qaa,im
Khushii se aaNkh milaa,o keh shab tamaam hoovii

HiSaar-e-Zaat ke andar nah ab raho hamdam
mire qareeb to aa,o keh shab tamaam hoovii

kaheN bhanwar nah uchak le safeenah-e-ulfat
kinaar-e-dil se lagaa,o keh shab tamaam hoovii

jo choR kar they gaye zindagi kee shaamooN meN
unheN bhi jaa ke bataa,o keh shab tamaam hoovii

hawa-e-waqt-e-saHar kee yeh taazgii tobaa!
Dyaar-e-dil meN basaa,o keh shab tamama hoovii

azaan-e subHa kee :Raaji: yahii manadaii hai
leHaaf-e-Shab ko hataa,o keh shab tamaam hoovii

(Zahida Raees :Raji: )